Senda, a protagonista desta historia, múdase cos seus pais a un pequeno pobo. O matrimonio vai estudar a contorna, moi contaminado, ata o punto de que non crece nada nos arredores. Senda deberá quedar moito tempo soa dentro da vella escola xunto a Centinela, o seu asistente virtual.
Un bo día, dáse conta de que no patio crece un gromo. Sae e rescátao, atopando tamén unha caixa con varios aveños que pertenceron a un neno chamado Olmo. Entre os poucos habitantes que quedan no pobo, Senda pregunta sobre Olmo, pero non lle dan demasiada información, ata que un día atopa unhas coordenadas e decide investigar.