Este que tes nas mans, lector, é un libro excepcional, fóra do corrente, se cadra che é a primeira e única vez que se ha de poder ler un testemuño semellante, unha novela que conta a historia da vida dun río partindo ods seus recordos.
Un libro que viña escrito no lombo dun salmón capturado a máis de mil millas da costa galega. O peixe tiña espetados na boca os restos dun anzol ferruxento e levaba unha cicatriz fonda ó lado da galada dereita, onde lle faltaba, ademais, un cacho de pel. Éche un libro escrito coa auga de milleiros de pingas caídas ó longo de milleiros de anos.

3º-4º Primaria