Estando en posesión desa fórmula, calquera podería converterse na persoa máis rica e poderosa do mundo. Todos quererían comprala, ao prezo que fose: a eterna mocidade, a inmortalidade, a viaxe no tempo., a posibilidade de dar vida a quen morreu; todos os soños da humanidade por fin ao noso alcance». No vertixinoso mundo do século XXI, altamente tecnificado e onde só conta o poder do diñeiro, Max e Nora terán que loitar contra todos os que, sen que importen os medios para facelo, desexan apropiarse da fórmula secreta de Frankenstein. Separados, e sen saber en quen confiar, terán que exporse de novo que é un monstro, e veranse inmersos nunha carreira contrarreloxo para poder estar xuntos e ter un futuro.